Léttvín er líka áfengi Sigmundur!

Ég fylgdist með þingmanninum Sigmundi Ernir í sjóvarpinu flytja þessa umtöluðu ræðu sína. Verð ég nú að segja það að allir tilburðir framsögn og fas, var mjög sérstakt á allan máta, vægast sagt, og ekki batnaði þegar þingmaðurinn þurfti margsinnis að veita andsvör. Þá mundi hann ekki um hvað hafði verið spurt, eða taldi fyrirspyrjanda ekki svara verðan. Margur hefur farið flatt á léttvínsdrykkju, einkum ef viðkomandi er þreyttur fyrir, og svo ef magnið er kannski verulegt. Menn hafa lent í allskyns vandræðum eftir léttvínsdrykkju, keyrt á ljósastaura og umferðarmerki, en talið sig samt allsgáða, því dómgreindin þverr í réttu hlutfalli við magnið sem innbyrt er, þó um léttvín sé að ræða. Hitt er svo annað mál að eininn ætti að mæta til starfa á sinn vinnustað, "hnjáliðamjúkur" eftir drykkju, og allra síst til að standa frammi fyrir alþjóð, í ræðustóli Alþingis við slíkar aðstæður. Mannorðhnekkir´er það, og slíkt gleymist ekki, samanber "Bermudaskálina" fægu forðum. En léttvín er líka áfengi Sigmundur Ernir!

Fékk sér léttvín með mat

Athugasemdir

[Hildur Helga Sigurðardóttir, 27.8.2009 kl. 02:47]

Fullur heima hjá sér; einkamál.

Fullur á Alþingi; opinbert mál.