Allt í klessu?

"Ja nú er lag á Læk", eins og kerlingin sagði. Þvílíkt bölvað vesen og hörmungarástand hjá hjá Benna og strákunum hans. Ef fram heldur sem horfir, verða þeir að taka þátt í mótaröð lamaðra og fatlaðra. En í alvöru: Það er dapurlegt þegar menn lenda svona mikið í að meiðast eða veikjast í íþróttinni, sama hver á í hlut. Ekki réttlátt af stuðningsmönnum Liverpool að kenna Benna karlgreyinu einum, um þetta dapurlega gengi LFC. Þar koma til margir samverkandi þættir, eins og tildæmis brandarapúllarinn sem henti sundboltanum inn á völlinn. Afleiðing: þrjú stig fuku út í loftið!

Mikil vandræði hjá Liverpool

Athugasemdir

[Júíus (IP-tala skráð) 21.10.2009 kl. 15:31]

Það er meira um meiðsli hjá Man City, Man Utd og Arsenal sem og Chelsea vantar 4 sterka leikmenn vegna meiðsla.

Ég er Liverpool maður en Rafa á bara að loka þverrifunni og hunskast til að taka ábyrgð á því þegar illa gengur en ekki benda á eitthvað annað. 

Fíflið tók t.d. sterkasta leikmann Liverpool útaf í gær fyrir Voronin og réttlæti það með því að segja að hann setti inná fresh par of legs. Ég meina er maðurinn fífl? Voronin inn fyrir Yossi, eina manninn sem eitthvað ógnaði.

Ég hef alltaf sagt að Rafa sé rola og ekki rétti maðurinn á Anfield og fer aldrei ofan af þeirri skoðun minni nema að enska úrvalsdeildar dollan komi í hús sem mun aldrei gera með þennan spanjóla við völd. 

67 leikmenn keyptir og ef 2 detta út þá er liðið varla samkeppnishæft við lið eins og Birmingham. Ömurlegt. 

[Páll Geir Bjarnason, 21.10.2009 kl. 15:58]

Benayoun hafði ekki sést í korter þegar honum var skipt útaf. Annars hefði hver einasta skipting verið gagnrýnd eftir svona tap á síðustu mínútu.

[Stefán Lárus Pálsson, 21.10.2009 kl. 17:20]

Það er bara svona þarna á Anfield. Hlutirnir eru ekki að ganga upp. Gæfan fellur ekki með Benna, og það gerir gæfumuninn. Alltaf sárt að tapa í uppbótartíma, á ekki að koma fyrir hjá reyndu liði í þetta háum klassa. Þarna er oft einbeitingarleysi eða jafnvel hreinni leti og metnaðarleysi leikmanna um að kenna, þegar þetta skeður!