Léttvín er líka áfengi Sigmundur!

Ég fylgdist með þingmanninum Sigmundi Ernir í sjóvarpinu flytja þessa umtöluðu ræðu sína. Verð ég nú að segja það að allir tilburðir framsögn og fas, var mjög sérstakt á allan máta, vægast sagt, og ekki batnaði þegar þingmaðurinn þurfti margsinnis að veita andsvör. Þá mundi hann ekki um hvað hafði verið spurt, eða taldi fyrirspyrjanda ekki svara verðan. Margur hefur farið flatt á léttvínsdrykkju, einkum ef viðkomandi er þreyttur fyrir, og svo ef magnið er kannski verulegt. Menn hafa lent í allskyns vandræðum eftir léttvínsdrykkju, keyrt á ljósastaura og umferðarmerki, en talið sig samt allsgáða, því dómgreindin þverr í réttu hlutfalli við magnið sem innbyrt er, þó um léttvín sé að ræða. Hitt er svo annað mál að eininn ætti að mæta til starfa á sinn vinnustað, "hnjáliðamjúkur" eftir drykkju, og allra síst til að standa frammi fyrir alþjóð, í ræðustóli Alþingis við slíkar aðstæður. Mannorðhnekkir´er það, og slíkt gleymist ekki, samanber "Bermudaskálina" fægu forðum. En léttvín er líka áfengi Sigmundur Ernir!

Fékk sér léttvín með mat

Háskafleytur

Þessir bátar eru háskafleytur, þetta er ekki fyrsta slysið með svona bát, við svipaðar aðstæður.  Guðsblessun að maðurinn bjargaðist. Svona atburður kostaði mannslíf í Hvalfirði fyrir nokkrum árum.

Ekki sá fyrsti sem hvolfir við vinnu

Þetta er ekki fyrsti lóðsbáturinn sem hvolfir þegar óvænt átak kemur á þá við vinnu. Mikið lán var þó að skipverjinn sem fór niður með bátnum bjargaðist. Manntjón hefur orðið við svipaðar aðstæður. Þessir bátar eru að mínu mati hættuleg og gölluð vinnutæki, ef ekki er hægt að losa taugar tengdar í bátinn með virkum sleppibúnaði, á augnabliki. Tek það fram að ég hef reynslu af notkun svona vinnubáta. þeir eru yfirleitt alltof litlir, þeir sem þjóna höfnum landsbyggðarinnar.

Hætt komnir þegar lóðsinn sökk

Snillingurinn Sir Alex Ferguson, og einstæður árangur liðs!!

En einu sinni hefur Sir Alex Ferguson þaggað niður í öfundarmönnum sínum og Manchester United! Allt tal áhangenda annarra enskra liða um að þau væru þau "bestu", hefur en einn ganginn reynst markleysa, og ómarktækt hjal, manna sem sjá drauma sína um sigur í úrvalsdeildinni bresku, ekki rætast. Má þar nefna aðdáendur Leverpool sem dæmi. Þeir hafa í vetur haft uppi stór orð á bloggsíðum og víðar, en standa nú uppi berrassaðir og án verðlauna eftir leiktíðina, og staglast enn á ágæti brokkgengrar meðalmennsku óstöðugleikans, sem einkennir leik þessa annars ágæta liðs. Það er árangurinn í lok . Hillurnar á Old Trafford svigna undan verðlaunagripum eftir veturinn meðan aðrir verða að láta sig dreyma um þó ekki væri nema svo sem bara einn titil, kannski á 20 ára fresti! Til hamingju stuðnings fólk Manchestir United, ekkert lið stendur okkar mönnum framar. Það er morgunljóst, og allir sjá það!!

Ferguson ekkert að hætta strax

Þurfum að gefa í og vinna alla leikina!

Það mætast stálin stinn í þeim leikjum sem Mancesther Unitid á fyrir höndum. Það má ekki gefa tommu eftir, en setja hraðann upp og klára dæmið með sóma, svo ekki fari á milli mála hverjir séu besta liðið í deildinni, sem reyndar hefur nú lengi blasað við. 4 stig úr þrem leikjum, dugir svo sem, en 9 stig væri betur við hæfi hjá þessu stórveldi knattspyrnunnar. Vonum það besta, og svo þarf að afgreiða Barca með sigri okkar manna. Áfram MU!

Berbatov: Verður erfiður leikur

Meistararnir á réttri leið!

Nú vantar Sir Alex og strákana hans bara herslumuninn til að Englandsmeistratitillinn sé þeirra. Staðan er óneitanlega vænleg, en ekki ber þó að fagna, fyrr en þessi 4 stig sem okkur vantar eru fenginn. 18. Englandsmeistara titill MU er í seilingar fjarlægð, sá 11. undir stjórn þessa einstaka hæfileika manns, sem gert hefur Manchester United að trúlega mesta knattspyrnufélagi allra tíma! Vonum það besta, ekki ástæða til annars en að vera bjartsýn á framtíð félagsins!

Manchester United í toppsætið á ný

Á réttri leið!

Hægt og bítandi færumst við í áttina að Englandmeistartitlinum árið 2009. Verðum að standa okkur á lokasprettinum, og landa þessum 12 stigum sem í boði eru! Tveir sigrar  og eitt jafntefli dugir, en við viljum ná sem lengst, til að bikarinn verði áfram "heima í Manchester"! Þá kominn þangað í 18. skiptið! Vonumst eftir því að gæfa og gengi fylgi MU í þeim úrslitarimmum sem framundan eru við stórlið evrópskrar knattspyrnu! Við eigum stóra möguleika, og vonum að stórir draumar verði að veruleika! Enginn af andstæðingum MU er ósigrandi!!

United með sex stiga forystu

Meistarataktar meistaranna!

Hafi nenn efast um getu og hæfileika liðsmanna Manchester United, þegar á þarf að halda, fengu þeir sönnun þess í dag, að enginn ætti að láta sér detta í hug að þeir geti ekki rétt sinn hlut og haldið Englandmeistaratilinum heima í Manchester. Tap þeirra fyrir annars ágætu liði Leverpool, vakti falsvonir þar á bæ. Greinilegt er að MU er að sækja í sig veðrið enn og einu sinni, og toppar á réttum tíma. Þeir eru lílegastir til sigurs í deildinni í vor, eins og málin standa. Og gangi það eftir þarf ekki að deila um hvað er besta liðið á Englandi. Jú United ber þann titil eins og er. Leikurinn í dag sýndi frábæran styrk Rauðu djöflanna frá Manchester, undir stjórn snillingsins Sir Alex Ferguson, sem ótvírætt ber höfuð og herðar yfir alla kollega sína í enska boltanum og víðar. Frábær sýning í dag!

Ferguson: Tévez kveikti í liðinu - Redknapp óhress með dómarann

Þeir eru að fá´ann

Gaman að heyra góðar fréttir! Ég var á vertíð í Eyjum 1956, 15 ára peyi að austan, í aðgerð hjá Vinnslustöðinni undir stjórn heiðursmannsins Halldórs heitins verksstjóra. Á laugardag fyrir páska bárust 860 tonn  til vinnslu hjá okkur, fiskhaugurinn náði langt fram á bryggju, en þetta kláraðist, og allir sem vettlingi gátu valdið komu til vinnu, og þetta var búið undir morgun á Páskadag. Það var ekki talað um "barnaþrælkun" en þeir voru nú ekki allir gamlir sem hömuðust við að bjarga verðmætum þarna! Þetta var ævintýri þessi gamla vertíðarstemming, engu lík, og yljar í minningunni.

Vertíðarstemmning í Eyjum

Hann er seigur karlinn!

Gunnar Bragi bauð sig fram í fyrsta sæti, og virðist ætla að ná því, "annað hvort allt eða ekkert", hann gefur ekki eftir, ef hann leiðir listann, sem flest bendir til. Baráttuglaður!

Gunnar Bragi sigraði