Ótrúlegur árangur!

Sir Alex Feguson á sér enga líka í knattspyrnuheiminum. Ótrúlegur árangur Manchester United undir hans stjórn, ber vitni um það. Hann setur sér langtíma markmið, og nær þeim, og engum dettur í hug að reka hann frá liðinu, þó aðeins hægi á sigurgöngu þessa frábæra félags. Nei, Sir Alex, sagði við stjórn félagsins þegar þannig stóð á fyrir fjórum árum þegar farið var að ympra á því í ensku pressunni að karlinn væri að verða útbrunninn: "mig langar að vera nokkur ár í viðbót, ég er að ala upp og setja saman lið sem gæti orðið frábært, og jafnvel það besta frá upphafi, og ætti að geta unnið stóra sigra , en ég þarf 2 til 3 ár". þeir samþykktu þetta, og nú er þetta lið veruleiki, og engum sem minnsta vit hefur á knattspyrnu, dettur í hug að draga hæfileika Sir Alex í efa. Hann er sá hæfasti. Verkin sýna merkin!

24. bikarinn sem Sir Alex vinnur með United

Syrtir í álinn hjá Benna

Já það er ekki gott útlitið fyrir strákana hans Benna leiðtoga Liverpool, í Ensku úrvalsdeildinni. Karlinn orðin svartsýnn. Hann má þó eiga það, að hann er raunsær Eintóm töp og jafntefli duga ekki í baráttu um toppinn við lið sem eru að vinna sína leiki og hala stanslaust inn stig. Nú þarf hann að treysta á að United, Chelsea og fleiri lið misstígi sig illa svo eitthvað birti til. annars er liðið hans að komast á velþekktar slóðir. 4 sætið er enn og einu sinni í augsýn. Nái Manchester United þrem stigum í næsta leik, eru Englandsmeistarnir komnir með vænlega stöðu, það sjá allir, líka Benítez. Ótrúlegt hvað dregið hefur sundur með þessum tveim ágætu liðum. Ferguson hefur verið lunkinn við að láta MU toppa á réttum tíma. Hann á fáa sína líka. En þetta er ekki búið, og margt getur enn skeð!

Benítez: Verður erfitt úr þessu að ná United

David Beckham gleymir ekki uppruna sínum

Rætur Bechams hjá Manchester United standa djúpt. Þar lagði Sir Alex grunninn að goðsögninni David Beckham sem líkast til er al frægasti núlifandi knattspyrnumaður í heimi.  Sven Ericson sagði um hann, "David er ekki bara afburða leikmaður, hann er alheims vörumerki góðrar knattspyrnu". Vonum að óskir hans MU til handa rætist!

David Beckham: Vona að United vinni alla titlana

Af hverju ekki hér?

Af hverju ætti þvottur á ábatafé vafasamra viðskipta ekki alveg eins farið fram hér, eins og önnur tilfærsla á peningum sem þarf að láta hverfa úr augsýn yfirvalda eftirlitsstofnana og skattayfirvalda? Okkar menn eru fljótir að læra "nútíma viðskiptaaðferðir" til að auðgast fyrir framan nefið á þeim sem stjórna eiga málum, en eru bara ekki nægilega upplýstir til þess að sjá við þeim sem alltaf eru skrefi á undan þeim sem þykjast vera við stjórnvölinn í dóms- og peningamálum. Það þarf að skoða þetta mikið betur. Í Kastljósi kvöldsins kom fram að aðeins eitt mál var til rannsóknar hjá efnahagsbrotadeild Lögreglunnar, sem er með ólíkindum! Einhverjir sjá sér hag í því að draga tennurnar úr þessari mikilvægu deild í formi fjársveltis, og þannig skapast svigrúm á meðan til allskonar leikfimi með fjármuni af ýmsum toga, á skjön við lög og reglur. Það verður að hella sér út í öfluga rannsóknarvinnu, það gæti skilað miklum fjármunum til baka í Ríkissjóð. Það er fullt af atvinnulausu reyndu fagfólki sem gæti byrjað þessa vinnu strax. Það er örugglega gáfulegra að setja fjármuni í aukið umfang Efnahagsbrotadeildar lögreglunnar, en að fara að setja miljarða (sem ekki eru á lausu) í hræið af tónlistarhúsi ,er hugsað var sem minnismerki um  "bankaeiganda" og konu hans, meðan gullið streymdi, allsstaðar, en enginn vissi hvaðan eða hvert!!!

Peningaþvætti gæti hafa farið fram hjá lögreglu

Guðjón gefst aldrei upp!

Enginn verður óbarinn biskup segir máltækið. Ég hef trú á því að Guðjón nái að berja í brestina hjá þessu enska liði og halda þeim í deildinni ef hann fær vinnufrið. Það hefur ekki verið létt yfir karlinum að leikslokum í dag, en þá er bara að gefa í, og standa sig betur næst. Þú sagðir oft við mig og fleiri. "Þeir sem vinna heimavinnuna sína, skila árangri". Nú er að spýta í lófana, og allir verða að taka á og vera SAMTAKA.

Lærisveinar Guðjóns í Crewe rassskelltir

Bjarni axlar ábyrgð..

Bjarni Harðarson gerirm slæm mistök, en sýnir þann manndóm að gangast við þeim strax og segja sig frá þingmennsku og biðjasr afsökunar. Það eru fáir í hópi þingmanna sem hafa verið menn til að breggðast við afglöpum sínum á þennan veg. Hægt er að tína upp nöfn manna sem tildæmis hafa verið sauðdrukknir við akstur, teknir fyrir þjófnað, farið glannalega með annarra fé í skjóli opinberra embætta  staðið að rógi um fólk til að koma sjálfum sér í betri stöðu og væna andstæðinga um alskyns vammir og skammir í skjóli nafnleyndar. Allir sem einn frýja menn sér ábyrgðar, ef upp kemst og sija sem fastast, tala út og suður ef upp kemst, og á þetta er minnst. Allir menn hafa galla og veikleika. Bjarni var svo seinheppinn að þetta óskiljanlega bréf fór fyrir sjónir almennings, og því fór sem fór. Þarna var húmorinn kominn úr böndunum. Á sama tíma keppast menn og konur við að breiða út allskonar sögusagnir sem gripnar hafa verið úr lausu lofti og láta svo hneyslan sína í ljós til að hnykkja á fréttum sem þeir eða þær hafa ýtt af stað í anda Gróu á Leiti. "Já heillin mín, ólygin sagði mér" hóf hún oft sinn fréttaflutning. Samt er þessi aðför að Valgerði Sverrisdóttur ósmekkleg og engum til frægðar. En Bjarni tekur strax réttan pól í hæðina, og hveryr á braut.

Guðni: Bjarni axlar ábyrgð

Hanna Birna gleðst, Óskar Bergs, efins.

Já þögn borgarstjórnar er rofin, þau eru með lífsmarki. Það á að fara að rífa upp fjáhaginn og bæta atvinnustigið í borginni. Minnihlutinn hefur lausnirnar að eigin sögn og Hanna Birna tekur þessu fagnandi, enda ekki mikið um góð úrræði þessa dagana. Tilvera íbúa Reykjavíkur mörkuð svartsýni, getuleysi og úrræðaleysi til fjárfrekra verkefna undir járnhæl, og langvarandi fantalegu kverkataki bláu handarinnar á samfélaginu  sem lamar alla getu og framtak  einstaklinga og samfélagsins til framfara. Ekki er nú samt annað hægt en að líta á hjúskaparsáttmála Hönnu Birnu og Óskars Bergssonar  við stofnun meirihluta no.3, sem nánast marklítið plagg vegna skemmdarverka Seðlabanka og ríkisstjórnar á efnahagsumhverfi okkar, eftir árás þeirra fóstbræðra Davíðs og Geirs Hilmars úr launsátri í skjóli nætur á Glitni með afleiðingum sem hljóta að flokkast undir hryðjuverk á íslensku þjóðfélagi. Hafi allir þeir sem þar um véluðu hina mestu skömm fyrir. Reykjavík er ekki í aðstöðu til að gera neitt frekar en aðrir til stórfelldrar atvinnusköpunar á næstunni. Borgarstjóri Hanna Birna ætti að taka einn hring í ríki sínu og líta í kringum sig. Við blasa þúsundir af hálfbyggðu og óklaruðu íbúðarhúsnæði, sem dugir okkur til margra ára ef það klárast einhvern tíma. Iðnaðar og verslunarhúsnæðis sem duga myndi miljónaborg ýmist hálfbyggt eða óklárað og risa verslunar og þjóustu húsnæði sem stendur autt því engin þörf er fyrir það. Til viðbótar er urmull af ónotuðu húsnæði á öllum byggingarstigum allt frá Borgarnesi til Árborgarsvæðis, auk Reykjaness. Svo stendur hálfköruð beinagrind snobbhússins sem troðið var niður í höfnina í Reykjavík, tónlistarhússins, sem átti að vera minnismerki um Björgólf Guðmundsson meðan hann var góði gæinn, sem spreðaði aurum í góðverkin, til að fóðra þennan allt of stóra hóp sem kallar sig listafólk og heldur að samfélagið eigi að ala það eins og gæludýr, og sinnir ekki vinnu eins og aðrir. Núverandi ástand þessa gæluverkefnis fárra sýnir hve all er í heiminum hverfult,  , líka að jafnvel gjöfugustu peningauppsprettur geta þornað upp, og það skeði hér heldur betur og á einni nóttu! Reykjavíkurborg hefur ekki fjármagn til mæta þeirri þörf á nýjum störfum sem er skollin á , íholskeflu uppsagna og verðbólgu. Það er ekkert lánsfé að fá, Borgin þarf að innleysa lóðir fyrir miljarða, útgjöld vegna atvinnu- og húsnæðislausra stóreykst, og gengishrap krónunnar gleypir fjármuni borgarinnar. Svo er Gísli Marteinn farandborgarfulltrúi að tala um að fara að setja Miklubrautina í stokk, ef ríkið sé tilbúið að skella 10 til 20 þúsund millum í þetta, á meðan við förumm betlandi land úr landi í von um að við sleppum við að segja okkur til sveitar í samfélagi þjóðanna. Marg miður skynsamleg hefur að minu mati og fleiri, dotti út úr þessum framagjarna manni. Kona fyrir austan sagði við sveitunga sinn eitt sinn: "Þú ert nú bara ágætur meðan þú þegir". Það á við í þessu tilfelli. Gísli minn, þú verður aldrei borgarstjóri í Reykjavík, gleymdu því, það eru daprir tímar fram undan hjá þér og öðrum sem ætla að byggja pólitískan frama sinn á blindri þjónkun við Íhaldið. Hætt er við eins og nú horfir, að valdatími langþráðs meirihluta Hönnu Birnu, verði seint minnst sem tímamóta framfaraskeiðs í sögu Reykjavíkur. Bæði það að undir langtíma leiðsögn íhaldsins í landsmálum fór efnahagsumhverfið í algjöra rúst, og geðþóttastjórn peningamála þar sem Hitlersheilkennið er leiðarstjarnan, er þar afgerandi áhrifavaldur. því til viðbótar hefur bæjarmálapólitík borgarinnar verið með slíkum fádæma brag sem hefur einkennst af framapoti og bræðravígum innan fylkinga borgarfulltrúa, að málefni borgarinnar hafa vikið fyrir persónulegu framapoti. Þar hafa Sjálstæðismenn og konur ekki síður verið í fararbroddi, og oftar en ekki sýnt barnalega og heimskulega hegðan. Sjóvarpið sýnir okkur oft meira en margir æskja þegar orð og athafnir í hita leiksins verða fyrir framan alþjóð, í beinni útsendingu. því það á við hér eins og ágætur maður sagði við frambjóðanda eftir pólitískan fund er hann spurði vin sinn, "hvernig stóð ég mig"?  "Þú ert ágætur meðan þú opnar ekki munninn" var svarið. Þetta vil ég heimfæra upp á borgarfulltrúa Sjálfstæðisflokksins í Reykjavík. Mér hefur fundist að klaufaskapur, fljófærni ásamt grímulausri sjálfsánæju og augljósri valdagræðgi viðbættri einkenna þá mynd sem þessi seinheppni hópur hefur skapað sér í orði og æði í fjölmiðlum. Mér Finnst ekki undarlegt, að Óskar Bergsson sé hugsandi á svíp annað veifið. Hann er jú ígildi sex borgarfulltrúa Íhaldsins, borgarfulltrúa sem sjá um að brosa framan í fólk í fjölmiðlum, og kyssa fólk opinberlega ef það telst vænlegt til vinsælda. En það dugir ekki lengur. Nú þarf að mæta áður óþekktum erfiðleikum. Skorturinn er að halda innreið sína til okkar. Nú gildir það eitt að sýna festu og úrræðasemi til að komast af. Þá dugir ekki að tala út og suður svo enginn skilji. Lífsnausynlegir hlutir verða að hafa forgang, og við munun læra nauðug viljug,  að mangildið er ofar auðgildinu. Við komum nakin í  þennan heim, og nakin förum við. Við tökum ekki misvelfenginn gróða og vegtyllur með okkur. Gleymum því ekki!

Orðaglamur Gísla Marteins stoppar ekki.

Gísli Marteinn Baldursson, seinheppinn farandborgarfulltrúi Sjálfstæðisflokks, birtist eins og skrattinn úr sauðarleggnum á sjónvarpsskjánum í gærkvöldi. Jú hann er formaður í umfjöllunargengi óánægðra íbúa á Miklubrautarsvæðinu, og nú átti hann erindi í fjölmiðla. Það var nefnilega komið fram vísdómsálit þessa teymis er að nú skyldi hafist handa við að gera jarðgöng fyrir þá umferð sem fer um MIklubraut! Þetta væri bara mál til að drífa í gang. Kostaði bara svona 8 til 11 þúsund miljónir, miðað við verðlag í September s.l. tæki bara tvö ár að undirbúa þetta. (Gengi íslenskrar kónu hefur hríðfallið síðan í september), og hvað þessar upphæðir þýða eftir tvö til þrjú ár veit enginn, og því er svona kosnaðaráætlun froðusnakk. Jú, hann vonast til að ríkið sé tilbúið að sletta 8 miljörðum króna í þessa "Þjóðvegagerð í þéttbýli", (septembergengi krónu. Ætli ríkisvaldið verði ekki að forgangsraða á næstu árum í hvað er hægt að setja peninga, og það bráðnauðsynlega hafi forgang, óhjákvæmilega! Það hefur kannski ekki fréttst til Skotlands þar sem borgarfulltrúinn býr að innviðir þjóðfélagsins hrundu á einni nóttu, og við göngum nú um heimsbyggðina með betlistaf. Stokkur í Miklubraut er ekki eitthvað lífsnauðsynlegt við þessar aðstæður þegar stefnir í að tugir þúsunda þurfir að þola atvinnumissi og neyðaraðstoð. Okurvextir eru að ganga af efnahag heimila og atvinnufyrirtækja dauðum, fjöldauppsagnir í hverri viku, og meðan svo er, þá er þessi hugmynd eitt það alvitlausasta sem nokkrum getur dottið í hug. og er þó að nægu að taka á þessum bæ.  Mengun frá umferð þarna minkar fljótt þegar við eigum ekki lengur fyrir eldsneyti á bílana okkar, svo er ykkur fyrir að þakka sem stutt hafið og styðjið enn Sjálfstæðisflokkinn með bundið fyrir bæði augu, á hans 17 ára setu í ríkisstjórn. Við erum á hraðri leið til miklar hörmunga með skelfilegum og ófyrirsjáanlegum afleiðingum. Þetta eru móðuharðindi af mannavöldum, og blá móða yfir landinu, eins og sagt er að hafi fylgt svartadauða. Við getum gleymt stokknum hans Gísla til betri tíma. Það styttist ört í valdamissi þeirra bláu hjá borg og ríki, og við getum lifað án stjórntaka þeirra, þó sanntrúaðir bláir trúi því að stjórnarseta íhaldsins sé órjúfanlegt lögmál, svo er ekki, Obama sýndi okkur að almenningur getur breytt ásynd þjóðar, og losað sig við óhæfa stjórnendur. Stokkurinn hans Gísla fær frestun!

Í sálarangist

Þúsundir fólks bíða skelfingu lostið eftir því hvort atvinnuveitendur þeirra sendi uppsagnarbréfið til þeirra nú um mánaðarmótin. Þúsunda fólks sem eru fyrirvinnur heimilanna bíður ekkert annað en úrræðaleysi í svartnætti atvinnuleysisins. Maður sér niðurbrotið grátandi fólk sem búið er að ræna lífsbjörginni, möguleikanum til að sjá sér og sínum farborða, og jolahátíðin á næsta leiti. Skelfilegt ástand er komið upp meðal okkar, og þetta er bara rétt að byrja, skriðan fór endanlega af stað þegar á okkur var slengt 18% stýrivöxtum af myrkramatginni í Svörtuloftum og ráðvana ríkisstjórn, sem talar hver í sína áttina um lántöku frá alþjóðagjaldeyrissjóðnum. Geir Hilmar: "Engin skilyrði, ja Seðlabankinn ræður þessu" ( Auðvitað ræður Davíð, en ekki forsætisráðherrann). Ingibjörg Sólrún: "Vissi ekki um nein skilyrði". Davíð í Svörtuloftum: "Jú það voru sett skilyrði um 18% stýrivexti" Ef rétt reynist, þá liggur beint við að álykta að ráðherrar vorir fylgist ekki með því sem er að ske, og varðar örlög þjóðfélagsins. Er þá ekki kominn tími til að þetta lið taki sér hvíld og hleypi óþreyttara fólki á stjórnpall þjóðarskútunnar? Það verður leitun á lakari stjórnendum en nú eru í í brúnni. Ráðaleysið og ruglið beinlínis lekur út þegar tekið er til máls. Það er ekki hægt að bæta allt sem aflaga fer. Það ætti stjórnendur lands vors að íhuga meðan þeir sjá þann kost vænstan að sökkva landinu í óviðráðanlegum skuldum, til að borga skuldir ehf, einkahlutafélaga fjárfesta í útlöndum, útvalinna og innmúraðra fjárfesta sem ríkið nánast gaf bankana okkar til einkavæðingar. Við eigum ekki að borga skuldir óreiðumanna í einkageiranum erlendis eða heima. Þar er é sammála Davíð seðlabankastjóra. En atvinnumissir þúsunda fólks er mesta bólið. Hætt er við að ólgan í þjóðarsálinni gjósi upp af fyrna ofsa með ófyrirsjáanlegum afleiðingum. Það er búið að tala nóg af knöppu viti. Ráðmenn: Horfist í augu við raunveruleika líðandi stundar, og reynið að setja ykkur í spor okkar sauðsvarts almúga þessa lands. Því ættum við að trúa ykkur og treysta? þið gefið ekki tilefni til þess!