Guð láti á gott vita!

Við bíðum og vonum að maðurinn geti staðið við orð sín. Bíðum og sjáum hver útkoman verður. Fleiri útrásarmenn mættu fara að kveða sér hljóðs um framtíðar áform sín á þessu svið, áður en Eva Joly lætur grípa þá og færa fyrir dómstóla.

Lánin verða gerð upp

Ekki kyssa á hönd hins illa!

Ég er stoltur af Vilhjálmi garðbæing  því hann neitaði í ásýnd alþjóðar að gerast þjófsnautur, með því að taka við gjafabréfi frá flugfélagi sem Pálmi Haraldsson er innvinkaður í. Fólk verður að skilja að þessi sami maður hefur unnið sér svo mikið til óheilinda gagnvart okkur, íslenskum almenningi að honum er ekki vært lengur í samfélagi siðaðra manna á þessu landi. Þessi maður og margir fleiri eru svo gjörsneiddir öllu því sem heitir velsæmi, en ofurseldir græðginni, að það er ekki líðandi lengur. OG takið nú vel eftir, ágætu samborgarar; Á n.k. mánudag, verður varpað þvílíkri sprengju inn í okkar samfélag, þegar stóra skýrsla rannsóknarnefndar alþingis birtist, að búast má við grófum ofbeldisverkum almennings gagnvart mörgum sem hafa farið offari í græðgisvæðingunn1, bæði gagnvart persónum og meintum eignum þeirra. Takið eftir því að gerendur í hruninu eru farnir að flýja land, eins og rotturnar flýja sökkvandi skip í síðustu höfn. Davíð Oddson hvarf t.d. hljóðlaust á braut í morgun, ákvörðunarstaður ókunnur, sem og endurkoma.(bættur skaðinn) Hann setti Seðlabankann í tæknilegt gjaldþrot og stýrði einkavinavæðingu frjálshyggjunnar, ajatholla Bláu handarinnar, stingur af áður en verk hans verða opinberuð í skýrslunni sem allri bíða eftir, og birtist næsta mánudag. Vilhjálmur hefur staðið upp í hárinu á þessu frjálshyggjuliði og gerir það enn. En ég óttast viðbrögð almennings við fyrrnefndri skýrslu, og bendi á umsögn formanns lögreglufélagsins. Heift okkar almmennra borgara getur brotist út, og hún er mikil!

Afþakkaði gjafabréf í Útsvari

Allir vondir við okkur........

Sumt breytist ekki: Eftir hvern einasta tapleik Leverpool, og þeim fer stöðugt fjölgandi, heyrist sami söngurinn: Dómarinn var á móti okkur, þess vegna er staða okkar sú sem hún er! Við gerum aldrei neitt af okkur, við erum bestir, en allir eru vondir við okkur: Þetta eilífðar væl atvinnuíþróttamanna, er óþolandi, hvar í liði sem þeir eru. Mottó leiksins er: Það er dómari leiksins sem dæmir, meðan leikurinn er í gangi, en ekki leikmenn eða áhorfendur, hvort sem mönnum líkar það betur eða verr. Þannig eru reglur knattspyrnunnar, og ekkert væl eftir á!!!

Carragher: Ekki víti og ekki rautt spjald

Hvað gera náttúruverndarsinnar og dýravinir nú?

Samtök dýraverndunarfólks hlýtur að bregðast hart við þessum fréttum. Varðveita verður kjörlendi þessara litlu dýra, sem hafa verið svo nátengd mönnum og konum um aldir. Óhjákvæmilegt er, að boða til mótmæla, stofna hópa á Facebook til að mótmæla svo gáleysislegum hárskurði sem stefnir tilvist þessara dýra í voða, og jafnvel útrýmingarhættu. Mætti ræða þetta á sjóvarpsstöðvum, t.d. í Kastljósi, og auðvitað hjá heimastjórn Ingva H. á INN. Paul Watson, hjá Sea Shepard gæti tekið þennan stofn að  sér til umönnunar, og losnað þannig undan hrakförum við sálgæslu sela og hvala, bæði við strendur Canada og á hafsvæði við Antkartiku.

Flatlúsin í útrýmingarhættu

Fundvís á mikla hæfileika.

Sir Alex er að tryggja Man. Utd. enn eitt efnið í afburðaleikmann. Macheda ætti að ná langt og springa út undir handleiðslu þeirra á Olf Trafford. Hann fær gullið tækifæri. Sá afburða stjóri sem þar hefur ríkt , vel á þriðja tug ára, með einstæðum árangri, hefur átt stóran þátt í að móta afburðaleikmenn eins og Giggs, Beckham, Ronaldo, Rooney, Scoles, Solskær, Keene, Neville, og ótal marga fleiri. Hann tekur til félagsins stráka sem hann sér sem efni í afburða liðsheild, veitir þeim leiðsögn, ögun og þjálfun, gefur þeim síðan tækifæri til að sanna sig. Það er mikil viðurkenning ungum manni ef MU óskar eftir honum í sínar raðir, þó ungur íslendingur hafi afþakkað slíkt tilboð í sumar, að sagt er!! Leikurinn í gær við Tottenham, er dæmi um velheppnað uppeldisstarf, endurnýjun og breidd í aldri hjá Sir Alex. Hann hefur tvö lið til að tefla fram, og þau ná að leika til sigurs. Fredrico Macheda er efnilegt framtíðarefni í afurðaleikmann, eitt af mörgum í gróðurhúsi snillinganna á Old Trafford. Sir Alex er sá hæfasti í sínu fagi eins og er af, mörgum góðum! Verkin sýna merkin!!

Macheda hjá Man.Utd til 2014

Rauða liðið hans Sir Alex, hikstar ekki...

Með blöndu af ungum og reyndari leikmönnum náði Sir Alex í sín þrjú stig á gervigrasinu í kvöld. Karlinn er með mjög góðan hóp sem getur myndað sigurlið þó stórstjörnur liðsins séu frá, af ýmsum ástæðum. Það hefur verið aðalsmerki MU síðan Sir Alex tók við liðinu, að það er alltaf hann á alltaf nýtt lið í mótun til að fylla skörð þeirra sem hverfa á braut. Tekst þannig að skapa afburða leikmenn sem ná félagsþroska og samheldni. Ryan Giggs er gott dæmi um slíkan leikmann sem kom 15 ára til reynslu frá MC til MU, og er þar enn hálffertugur, einn albesti leikmaður ensku deildarinnar um langan aldur, hefur unnið alla titla sem buðust margsinnis!! Það verður ekki af Sir Alex skafið að hann er hæfileikaríkasti stjóri á Bretlandseyjum, að öðrum ólöstuðum, og þó víðar væri leitað. Verkin sýna merkin!

Alex Ferguson: Fabio var hreint frábær

Allt í klessu?

"Ja nú er lag á Læk", eins og kerlingin sagði. Þvílíkt bölvað vesen og hörmungarástand hjá hjá Benna og strákunum hans. Ef fram heldur sem horfir, verða þeir að taka þátt í mótaröð lamaðra og fatlaðra. En í alvöru: Það er dapurlegt þegar menn lenda svona mikið í að meiðast eða veikjast í íþróttinni, sama hver á í hlut. Ekki réttlátt af stuðningsmönnum Liverpool að kenna Benna karlgreyinu einum, um þetta dapurlega gengi LFC. Þar koma til margir samverkandi þættir, eins og tildæmis brandarapúllarinn sem henti sundboltanum inn á völlinn. Afleiðing: þrjú stig fuku út í loftið!

Mikil vandræði hjá Liverpool

Fallin á tíma?

Svínaflensan fer nú sem logi yfir akur á Íslandi. Læknar segja veiku fólki að vera heima, þvo sér um hendur, drekka vatn og éta verkjalyf. Jú, það á víst að sögn sóttvarnarlæknis, að bólusetja nær alla þjóðina gegn þessari pest. Fyrstu 12500 skammtarnir af bóluefni væntanlegir, handa forgangshópum, í heilbrigðisþjónustu, löggæslu og samgöngum, til að halda þeirri nauðsynlegu þjónustu gangandi. Svo kemur enn síðar meira bóluefni, þá er mest þörfin hjá "fólki með undirliggjandi sjúkdóma", síðan koma fleiri sendingar handa þeim sem ekki tilheyra fyrrnefndum hópum. Nú er á reiki hvort ein bólusetning dugir, þó talið "líklegt" af einhverri alþjóðastofnun. Bóluefnið er víst  a.m.k. eina eða tvær, eða jafnvel þrjár vikur að virka eftir bólusetningu, samkvæmt fréttum RÚV í dag. Ef inflúensan breiðist hratt út, og bólusetning landsmanna er ekki í augsýn á næstu vikum, og virkni bólusetningar sé allt að þrjár vikur, erum við þá ekki fallin á tíma við að fyrirbyggja fjöldasýkingu og veikin nái til mikils fjölda fólks, og valdi skaða hjá mörgum. Við horfumst í augu við mikinn vanda hvað þetta varðar á næstu vikum.

Flensan breiðist hratt út

Hver skilur V- græna?

Þankagangur vinstri grænna þegar atvinnuuppbygging er annarsvegar, er illskiljanlegur öllu venjulegu fólki sem vill framfarir og atvinnuuppbyggingu! þetta eru pólitísk náttröll í þeim skilningi!!!

Skilja ekki ákvörðun ráðherra

Agi, leikgleði og sjálfstjórn, segir Redknapp.

Redknapp stjóri Tottenham,  brýnir sína menn í að ganga heila og óskipta til leiks fyrir félagið sitt, þó þeir þurfi að sitja á varamannabekknum, vegna ákvörðunar leiðtoga síns. Hann bendir á hinn þrautreynda Garry Neville liðsmann MU sem fyrirmynd, sem lifir sig inn í leikinn sitjandi á bekknum,  þrátt fyrir að hafa marg unnið til flestra verlauna sem fáanleg eru. Það er ástæðan fyrir því að Garry er enn meðal hinna bestu. Reyndur maður sem sá að sér í  sigurgleði, og lét ógert að strá salti í sár áhangenda MC á Old Trafford. Þessi einlægi sigurvilji og sjálfsagi hefur fleytt honum og liðinu hans langt gegn um árin. Þetta er sá andi sem ríkir hjá liðsmönnum MU, undir stjórn snillingsins Sir Alex Ferguson. Þetta veit Harry Redknapp, og veit líka að samhuga liðsheild vinnu best, innan vallar og utan. Garry Neville er enn að skila góðu dagsverki, og er verðug fyrirmynd góðra knattspyrnumanna, að mati Redknapp og margra fleiri.

Redknapp: Takið Neville til fyrirmyndar